الشعر له وقفات في بعض الأحوال
|
عند الرجال اللي تثمن وقوفه
|
قم يا قصيدي صار للشعر مدخال
|
وعطني من الشعر المصفى طروفه
|
مثايل لا قلتها تطرب البال
|
تعجب جماهير الشعر مع ضيوفه
|
قريحة الشاعر تحركها الأفعال
|
وده يقول اللي عيونه تشوفه
|
لو كان ما يحصي مزاياه لو قال
|
يعجز كتاتيبه ويعجز حروفه
|
ملك ملك عند العرب ماله امثال
|
مواقفه عند الجميع معروفه
|
له كلمة تبقى ترددها الأجيال
|
كلمة حكيم فرصته ما تطوفه
|
يقول ما يصبر على الذل رجال
|
ودنيا المذله ما عليها حسوفه
|
دم العرب نفداه بالروح والمال
|
وناقف لها لو هي تكلف كلوفه
|
يعيش أبو متعب لنا اسنين اطوال
|
الشعب في قلبه مثل دم جوفه
|
عز الأرامل والفقارى والأطفال
|
دمع اليتامى ينمسح من كفوفه
|
يا الله يا منزل تبارك والأنفال
|
تحفظ ملكنا من جواري اصدوفه
|
بقلوب شعبه له معزه ومنزال
|
الشعب مخلص والقياده عطوفه
|
يمناه في خدمة وطن تصرف المال
|
يصرف ومداة الكريم مخلوفه
|
عادل ومخلص للمهمات شيال
|
حكيم مدرك كاملات وصوفه
|
والفتنه اللي قادها بعض الأنذال
|
قضى عليها وأعلنت بالنكوفه
|
خابوا وخاب اللي وراهم بالأفعال
|
والا الحسود يطق راسه بطوفه
|
أرواحنا دون الوطن درع وظلال
|
حنا حصون له وحنا اسيوفه
|
وصلاة ربي عد ما هل همال
|
على محمد عد وابل قنوفه
|
سهل بن بندر بن حياد المقاطي |
|
