بعد القلوب اشد من بعد الاجسام
|
مادام غصن الود طارت رفوفه
|
كم شخصٍ نشوفه من العام للعام
|
اقرب من اللي كل يومٍ نشوفه
|
الآدمي تقوده ظروف واحكام
|
وما كل واحد يخد منه ظروفه
|
نطرد ورى سرب الاماني والاحلام
|
ويالله عسى بعض الامور مخلوفه
|
لو يكشف الواحد صناديق الأيام
|
ما كا خضب بالأماني كفوفه
|
العمر يمضي والتجارب له حزام
|
والشيب يضرب للنواصي دفوفه
|
كم واحدٍ غافل وهو يلبس (إحرام)
|
ما يدري إحرامه لموته (بروفه)
|
طول الأمل كفه تلوح لقدام
|
والنفس لمعانق هواها شغوفه
|
والضيق يتسلل على روس الاقدام
|
لإحساس من شعره على أسوار جوفه
|
يا صدري اصبر وانت في بهوك اقسام
|
من المواجع غير نفسك عيوفه
|
لا تنحني لو كان عروقك حيام
|
وعذوق (لينة) ما بذرت مخروفه
|
ضيوف قلبي (تغرف) عدوده آلآم
|
وعلى الزمن يا كبر شرهة ضيوفه
|
ما بين قام الحظ والحظ ما قام
|
الحزن رتب بالحنايا صفوفه
|
يحطبني (بفاسه) ويتركني حطام
|
باسباب معروفة وغيرمعروفه
|
وانا ما غير اهيم واتشجر هيام
|
واثمر قصيدٍ يانعاتٍ حروفه
|
عطاالله ممدوح |
