جرى للورى وامضى الورى من برا الورى |
ورب الورى ما جا بالاقدار جالبه |
فلا للورى عما برا الله متقى |
ولا حيلةٍ تحتال في الكون جايبه |
قضى ما قضى وامضى بالاحكام ما يشا |
ومن رضيها والا فالاقدار غالبة |
راشد الخلاوي |
دخيل خذ من والدك لك مساله |
مساٍلة ما يفهمه كل رجال |
احشم خويك عن دروب الرزاله |
ترا الخوي عند الاجاويد له حال |
المرجلة بالك وترخي حباله |
حذرا تعيل ولا تراخى لمن عال |
خلف أبو زويد |
في مشاهي نجد وأمشي في براده |
وكل ما هب الهوى ينساح بالي |
والفتى وأن كان ما يغلي بلاده |
ما يجي في ديرة الأجواد غالي |
حالفٍ ما أرضى لنفسي بالزهاده |
دام ما حطيت في قبرٍ هالي |
محمد بن سليمان المحسن (الدرم) |
|
