تغيَّر العالم وأنا ما تغيرت
|
لا زلت بافكار السنين الغبية
|
باقي على نفس النمط ما تحضرت
|
وهذا الزمن له شكل غير وهوية!
|
درست لكن للأسف ما تنورت
|
عجزت عن فهم الرموز الخفية
|
مشيت بدروب الحياة وتعثرت
|
وضاعت سنين العمر في المهمهية
|
واليوم في الدنيا وحالي تفكرت
|
ولقيت نفسي خارج الجاذبية
|
ولا شفت وضع الناس حولي تحسرت
|
ليه الخّوي اليوم يرخص خويه ؟!
|
واللي يهيّض خاطري لا تذكرت
|
وقت الوفا والطيب والمقدرية
|
جاملت - رغم إني صريح - وتصبرت
|
وأثر المجامل في الحقيقة خطية
|
بين المواقف والهقاوي تبعثرت
|
أمشي على نية وللناس نية
|
هذي خطاياي وندمت وتعذرت
|
عزاه يا نفس العذاب الشقية
|
عايض بن مساعد |
|
