الظروف تحد بعض الناس للي يكره

بس والله ما تحد الا ردي الهمه

تقنعه نفسه بشيء ما يطاوع فكره

ويتهاون بعض الاشياء لين يدفق دمه

دم وجهك يالبنادم لادفقته مكره

عقب باكر ما يهمك لو تبيع الذمة

عز نفسك كي تجدها والظروف العكره

ما ثنت عزم المطنخ دون راس القمه

ولا تنكر لك زمانك لا تجيك النكره

ولا تزيد الطين له ثم تجيب مطمه

أشكر اللي واجب انك ما تناسى شكره

خالق لا من ذكرته زال كل الغمة

تطمئن قلوب خلقه لا تردد ذكره

وتستريح قلوب ناس كلها مهتمه

والهبايب كل ما هبت قفتها سكره

لا صفت لك لا يردك غير صاف الجمه

فهد البداح

صفحة الجزيرة الرئيسية

الصفحة الرئيسية

رأي الجزيرة