لاتبين لي الدمعه يا قطر الندى...

والتفت للوداع ان كان حزنك كفاك..

دمعة الطيب في عين الليالي ردى..

اخذ مني دفى الايام والله معاك

خانك البعد من قربي وطال المدى..

وجيت تسترجع الماضي وتسبق خطاك

يا حبيبي وقف بيني وبينك صدى..

وانت صوتٍ يناديني ولا أسمع صداك

كل جرحٍ يطيب بخاطري ما عدآآ

جرحي العام في بعدك وليلة جفاك

كنت اشوفك واحس ان الفراق ابتدى

يومها الشوق جابك والموادع خذاك

ليه اعذرك وانا فالحب مالي جدا

ليه اعاتبك وانت اللي جرحني خطاك..

ماتت اكثر طموحاتي وراحت سدى

شفت وشلون اخذ مني الزمان وعطاك

يمكن ايزول حزني والشعور يهدى

وآترك الحلم والقى حلم غيره ورآك

جابر البطحي

صفحة الجزيرة الرئيسية

الصفحة الرئيسية

رأي الجزيرة