حبيبي شعوري طير واحساسك الاغصان |
تعب ياخذ احلامه معه وانت ماتدري |
حبيبي كفاني بعد لا تطري الهجران |
احبك قليله قلتها والهوى عذري |
تعال القصايد ماتبي ربكة الاوزان |
تنادي عليك وجف باسبابها حبري |
سآلت المدينه ليه نوره بدون الوان |
شوارع كئيبه كنها ياغلا قبري |
كسا نورها من غيبتك ياغصين البان |
ظلام الفراق اللي كسا جوها بدري |
تحريت سيلك يروي الهايم العطشان |
صحاري حياتي جففه ياغلا صبري |
اخاف المحبه يقتله طاري النسيان |
وانا من غيابك ياخذ الوقت من عمري |
تعال احتضني شوفني ارتجف بردان |
ابدفا بحضنك واجبر الكسر يا كسري |
تهب الشمال وتنهزم قوة الربان |
وانا كنت احسب ان الهوى دايما بحري |
غريبه عيونك هجّرت عاشق الاوطان |
وانا فيك مبلي يشهدالله من صغري |
رسمتك هدف بعيون الاحساس والانسان |
يوم ان العواطف بثها حبنا حصري |
حبيبي تعبت الله يخليك عود الان |
تعبت انتظر في سكة الحزن ياعمري |
سعيّد العمودي الشمري |
|
