بكيت وابكيت الحجر واظلم النور

من بعد ماغاب الولي عن حياتي

لو غاب غيبه عابره قلت معذور

لابد ياتي يوم وابوي ياتي

لكن غيابه طال والحال مكسور

راح وتركني غارق في سكاتي

الموت حق ولكن يموت مغدور

بلوى المصيبه ! والعزاء ! والجناتي!

عساه للجنه مع الصحب والحور

وانا عزاي بغيبته ذكرياتي

ذكرى الجهاد اللي له ايام وشهور

عن حدنا الغالي وطرد الغزاتي

ياما اتصل بي ليل والبال مسرور

من اعلى جبل دخان فوق السراتي

واقول له يابوي يابوي منصور

والله يزيدك فالمعارك ثباتي

وتعود للمنزل ومنزلك مذكور

بدعاي لك واخوي قبل المباتي

واعاهدك يابوي والعهد مذخور

ما انساك حتى يعلنوا عن وفاتي

وابوي سلطان العهد محكم الشور

أبو اليتامى من بنين وبناتي

جزل العطايا وافي الجود مشهور

بالعطف والإحسان وازكى الصفاتي

له الوفا مني وانا بعمر عصفور

أعاهده لافدى الحبيبة بذاتي

دار السلام اللي بها البيت معمور

قبلة جميع الناس وقت الصلاتي

صفحة الجزيرة الرئيسية

الصفحة الرئيسية

رأي الجزيرة