Al Jazirah NewsPaper Friday  09/07/2010 G Issue 13798
الجمعة 27 رجب 1431   العدد  13798

يا عيني

أمس الضحى عديت في راس مزبور

مثل الذي جابر عليه الزماني

عيني على المشراف ما تبدي الشور

لا جيت اببدي ظرفي اللي عصاني

حاولت ابجبر عظمي اللي به كسور

وليا انجبر عود لي الكسر ثاني

يا عيني اللي بالنظر مدة اقصور

مقدر اشوف ابعيد ما غير داني

اعلاجها ما فادبه كل دكتور

الله يقوم أبشان غيري وشاني

مضى علي ايام وسنون وشهور

راضي بحكم امدبر المودماني

ماني لحالي بالنظر فيه عاثور

اثنين بالاخوان مثلي اتعاني

اعلاجنا عند الولي ما بها زور

اللي كتب رزقه لعبده ظماني

ما فيه داء إلا له إعلاج مذكور

انزله ربي في كتابه بياني

واليوم جاني علم وأصبحت مسرور

في روسيا يومن علمه لفاني

ارسلت برقيه بها الوضع مسطور

على الذي إلهم بقلبي مكاني

آل سعود اللي لهم فالوطن دور

اللي حموها في رهيف السناني

يا سيدي سلمان قلبي به الجور

كنه على درب الهموم ايحداني

اشكيتلك بالحال والحال معسور

وانت الكريم اللي تمد السماني

من لا مني ما هو مبايح ومعذور

ماهوب عيب اليا طلبت الحصاني

العيب لا مديت يدي لمعثور

هذا هو اكبر عيب تطلب اهداني

صلو على اللي صار للحق مامور

شفيع الأمه يوم كلن يعاني

الشاعر/ فهد مرزوق الدعجاني

 


صفحة الجزيرة الرئيسية

الصفحة الرئيسية

رأي الجزيرة

صفحات العدد