من وجد أمٍ أشعل الدمع نارها
|
سكينة السجان تنحر حوارها
|
كل ما بكيت الجوف زادت حرارته
|
تقول دمعي قاز زوّد شرارها
|
يا ليت ربّي بدّل اليد بجنحة
|
وأمّك تجيلك مسرعة في طيارها
|
يا نايف أمّك بعد ماغبت كنّها
|
ورقى تجرّ الحزن شالوا اصغارها
|
الليل ناخت في عيوني ركايبه
|
ما عاد يفرق ليلها من نهارها
|
نايف ثيابك كلّ يومٍ أشمّها
|
شف غرفتك تبكي عزاها غبارها
|
عيني ذبحها الجوع تبغى تشوفك
|
ماظن فيها صبر طال انتظارها
|
عشرة سنين العين ما ذاقت الكرى
|
والقلب كنّه للغرابيل غارها
|
يالله نايف فك أسره من السجن
|
ولدي تبيه الروح قبل احتضارها
|
أم نايف اليوسف- رأس تنورة |
|