الشاعرة أمسية ونص باذخ الرومانسية:
|
(( تنثر شتاتي بروس الرمش والمه
|
على مطاف العيون احرمت بحرامي ))
|
صار الغلا وجهتي واشواقي اليمه
|
ما اصدق اشوفك وانت قدامي
|
يا آدمي كل ما فيني نشف دمه
|
اركد على ضبية الأشواق يا رامي
|
القلب بالهون يا عين أمسية ضمه
|
ريِّح خفوقي وطمّن رجفة عظامي
|
لا تسأل ان شفت حالي منسمه
|
معقول ما تدري انك مصدر آلامي
|
شفني وصلت بقصيدي لجلك القمه
|
مع كل هذا أبرفع بيض الاعلامي
|
عطر المحبين من مبطي وانا اشمه
|
ما كنت قبلك أحس بعطر الايامي
|
قلي عن اللي تحسه صوبي بذمه
|
مليت يابن الحلال اعيش باوهامي
|
عشاقي كثار لكن فيك مهتمه
|
يا آخر دروب الغرام واول هيامي
|
أتعس من الطفل لا منه فقد أمه
|
هذي أنا طفلتك يا فارس احلامي
|
أمسية
|
|
