يالله يا منجي من الحوت ذا النون
|
ياعالمٍ ما بالخفا والبياني
|
إنك تحفظ اللي لهم حب مكنون
|
وسط الحشا والقلب باقصى المحاني
|
الوالدين اللي لهم قدر مصيون
|
أغلى البشر فيهم تزين المعاني
|
ياما علي بالعطف واللين يرجون
|
يرجون يالمعبود ترفع مكاني
|
وياما بتال الليل يارب يدعون
|
إنك تكافيني صدوف الزماني
|
وأنا لهم بخضع جناحي واباكون
|
طايع وراجي عفوهم والجناني
|
يالله تقدرني واباصير ممنون
|
في طاعة الغالين مرفوع شاني
|
وياعلهم طول الزمن لي يدومون
|
من صادق الخافق يقوله لساني
|
تم الكلام وطالبٍ خالق الكون
|
يحفظ لي اللي حبهم في كياني
|
نواف بن محمد الصخيبري |
|
