مرضت ما ندري وطبت ودرينا
|
تخفي مرضك وبالسلادة تعلم
|
صابر وقلبك فالقسا ما يلينا
|
وبما كتب رب الخلايق وسلم
|
ياليت ما صابك من الباس فينا
|
وبالعافيه تنعم وحنا نتألم
|
قلوبنا تدعي ونرفع يدينا
|
يا ربي لسلمان يا رب سلم
|
ياما وياما من سموك خذينا
|
من مدرسة جزل الدروس نتعلًَّم
|
من يوم ميزنا العلوم ووعينا
|
ودايم سموك للشموخ متولم
|
فطمتنا على الطموح وربينا
|
حفظتنا للطيب قبل نتكلم
|
يا سيدي سلمان عجل علينا
|
ارياضنا من غاب نوره مظلم
|
يا رمز نجد الله يردك الينا
|
يا عون من يزبن عليك متظلم
|
عز الله انا لا نصينا نصينا
|
ياعز شعبه والمعادي مبلم
|
يامرجع التاريخ جزل اليمينا
|
ياللي تعلم مايبيلك معلم
|
يا سيفنا الساطي بحدك سطينا
|
ماهوب سيف فاللوازم مثلم
|
رقيت فوق ومع دروبك رقينا
|
وصارت حقايق عقب ماهي تحلم
|
واليوم تصبر للمرض ما درينا
|
علمنا تكفى لاجل معك نتألم
|
حجرف العصيمي |
|
