قصيدة رثاء في الشيخ نايف بن سلامة بن سعيدان رحمه الله..
|
يا ربنا اللي رحمتك تاسع الكون |
من رحمتك عشنا بخير وسلامه |
نطلبك ياللي كاشفن كل مكنون |
أنت العظيم ولا لغيرك زعامة |
ترحم عزيز عاش واليوم مدفون |
يا الله عسا الجنة تلملم عظامه |
شيخ خلق بالعز والفخر مقرون |
على الوفاء والطيب شيد خيامه |
ما ينظر إلا فوق ما يلتفت دون |
عزيز نفس ورافع من مقامه |
شيخ آل عاطف والمخاليق يدرون |
يفرض على كل الرجال احترامه |
زود على أخلاقه ترى الهرج مصيون |
تلقى التواضع والوفاء في كلامه |
يفزع مع من جاه ضايق ومغبون |
من يحتزم به سعد من هو حزامه |
عز لربعه فالمواقف لهم عون |
ما يلحقه منهم عتاب وملامة |
نبكي فراقه والقحاطين يبكون |
عساه فالفردوس يوم القيامة |
هذا هو اللي يترك القلب محزون |
نايف ولد رمز آل عاطف سلامة |
عشق بن مسفر بن سعيدان |
|
