الوطن والمواطن والعقول الفواطن

وكاملات الخصايل والكفوف النديّه

والكرم والعطايا وسير ذيك المطايا

والفخر والجمايل والقلوب الوفيّه

والسند بالشدايد والصقور الهدايد

ومسرجات الأصايل والشيم والحميّه

والقلم والبراعه والفعول الشجاعه

والسنا والفضايل والسلوم الأبيّه

كلها جت تراقص ما بها شي ناقص

ومن فرحها تمايل وبدرها طل ضيّه

يوم جات البشاير عن حبيب العشاير

إن ضره تزايل بحمد رب البريّه

ويا مداوي العطايب جعل سلمان طايب

وسالم من الغوايل والصدوف الرديّه

ويا هلا ياهلا به وين ما أمست ركابه

عد وبل المخايل ونخوة(ن) يعربيّه

عز داره وسعده قبل يرجع وبعده

والغلا له دلايل بالنفوس النقيّه

سيّد المجد كله يا ملاذه وخله

خذ كلام الصمايل قبل هذي وذيه

من تعبكم تعبنا وطبتوا أنتم وطبنا

والدموع الهمايل بينت كل شيّه

إن مالي سواكم ودامني في ذراكم

من بعد خير قايل لي عن الضيم فيّه

كيف لا وانت أبويه وطب من فيه كويه

يا سنود الفعايل وعشق نجد العذيّه

ولو ضروفي بكيفي كان يمّك نكيفي

لكن البعد حايل والدروب اصراميّه

مير يا راس مالي عذري إن اتصالي

جاك كله دلايل عن ضروف(ن) خفيّه

وانت ابوي ومحلك في رحيلك وحلك

بين هاك النحايل ويشهد الله عليّه

حصة العتيبية

صفحة الجزيرة الرئيسية

الصفحة الرئيسية

رأي الجزيرة