 |
ضحى العيد |
حرام.. يا باشة الغيد |
واحلف.. برب البريّه |
لولاي أهاب المناقيد |
واللوم والهرج فيّه |
لا أشق ثوبي ضحى العيد |
وادنّها هاشميّه |
وانخى جميع الأجاويد |
تكفون ياهل الحميّه |
راع الهوى يالاواليد |
شيلوه في مروحيّه |
لاحركت هزّت البيد |
ترزم رزيم برديّه |
ودوّه يم اتلع الجيد |
تكفون قبل المنيّه |
ولا تكثرون التناشيد |
بالحيل حاله رديّه |
عيده عذاب وتناهيد |
وجروح قلبه طريّه |
وشفا العيون المراميد |
شوفة رهيف الثنيّه |
ماجت على كيف ماريد |
مير الوعد بالضحيّه |
يا مخلفين المواعيد |
من غير ذنب وخطيّه |
وما ودي أنقص ولا أزيد |
واكشف أمورٍ خفيّه |
محروم من فرحة العيد |
من ذاق فرقا خويّه |
خليل الشبرمي |
|
|
|
|
|
