للعيد فرحة وانتظار وهدايا |
ويارين يوم العيد بين الاجاويد |
يا سيدي يا سيد كل البرايا |
احترت اناشا اهديك في ليلة العيد |
أهديك قلب هام بين الحنايا |
يغرد بحبك له سنين تغريد |
والا عيون من سهومك ضحايا |
ولا ما تشوف الا أنت يا صافي الجيد |
والا كفوف تلتهب لك شظايا |
من شوقها لك ما تبي باقي الغيد |
والا قصيد يرتجف بالشفايا |
يسوقه احساسي بليا مواعيد |
خذ ما تبي مني ولحلي عطايا |
خذ ما تبي يا صاحبي دون تحديد |
كلي حلالك يا عقيد الصبايا |
آمر تدلل وانت لك كل ما تريد |
ياليتني أرضيك واثبت وفايا |
ويا علها تعجبك هدية العيد |
محمد البراهيم |
|
