الثلج أغاني.. مدام إن القصايد جمر

والبحر أماني.. مدام إن الليالي حرير

والوجنة اللي ترنمها الندى والزهر

ما خلت من الربيع إلا قصيدة عبير

حبيبتي.. والوله قيظ جفاه المطر

تخيلي كيف رمضا القلب بين الهجير

إشتقت لك كثر ما قد مرنا من صبر

وبأشتاق لك كثر ما باقي لنا من مصير

وإن مت ما عشت قلبك مت ناقص عمر

وإن عشت ما مت حبك عشت عمري حسير

شوفيني أظما وأنا اللي ما غبطت النهر

شوفيني أذبل.. وأنا رجل ندي، مطير

جيتك.. وأنا شايل قلبي ودفتر شعر

و رحت.. وهو ما بقا لك عندي إلا الكثير

قلت أطفي الموج، بس اللي في صدري بحر

إن ما شربتيه بشطوطك ظماه الهدير

وإن ما سقيت نهاري شمس حت الفجر

و غديت بين الخطا والدرب مثل الكسير

ولو جبت لنعاسي السهران بعدك قمر

ما شفت غير الظلام اللي يشوفه ضرير

حبيبتي.. والغرام اللي في روحي شجر

لا ييبس الظل فأنفاسي.. ترا العمر طير

والصاحب اللي يخلي صاحبه للسهر

والله والله ثم والله.. ما فيه خير

صفحة الجزيرة الرئيسية

الصفحة الرئيسية

رأي الجزيرة