|
ليت العمر ينباع والله لااشريه |
واروح للطيب وازود سنينه |
وإلا الردي لعل تقصر لياليه |
ما من وجوده فايدة خابرينه |
|
|
الأوادم بعضهم مثل وصف الجلايب |
لو توحد بها ذيب الخلا كان اكلها |
كم صبي تحسب انه عطيب الضرايب |
وان بخصته كرهت الديرة اللي نزلها |
|
|
ترى الدروب السود مهما تصاغرت |
منها تراها علةٍ فوق علة |
وإلا الدروب البيض مهما تكابرت |
ترى الحظيظ اللي تجي سكةٍ له |
|
|
أنا تطارد هواجيسي وحمل الغبن مطبوق |
أجحد صوابي عن العالم وانا روحي خطيره |
قالوا لي الناس خل المنتحي والحي مرزوق |
والناس واجد ولكن ما تريد النفس غيره |
|
