يالله المعبود ياللي دخيلك ما يخيب

يا كريمٍ ماش غيرك ولا رب معبود

طالبك ياللي تخلص طليب من طليب

اعف عنا ياغفورٍ حليم ويا ودود

قصة الطلحي عجيبة وأنا وضعي عجيب

حالته تشبه ظروفي سوا ما فيه زود

من سبايب كلمةٍ خلت الجاهل يشيب

كلمة زلزالها مثل زلزال الرعود

واحدٍ ماله ورانا حقوق ولا عزيب

والمصيبه كلمته قالها وسط الوفود

إن بلعناها مصيبه وعيب وشق جيب

وإن تركناها لغيره لمعروفي جحود

كيف ابا انساها وهي خلت ضلوعي حطيب

ما قدرت ابلع طيشها مثل بلع النفود

مثل نار الاكلبي للمحبه مع حبيب

بس ناري من حطبها ما خلت فيه عود

قله إني لو نويته تجيب اللي تجيب

اقدر ادفع له ثمنها ولا تبقى قصود

ليت صدري مثل صدرك يابو صدر رحيب

كان ابا اصبر مثل صبرك عسى الصبر محمود

كل ذيب لا عوى جاوبه بالصوت ذيب

والأسود بزمجرتها تجاوبها الأسود

تراحيب بن سويلم العتيبي

صفحة الجزيرة الرئيسية

الصفحة الرئيسية

رأي الجزيرة