جف الغرام ولابقى شي ينقال
كل الكلام اللي تقوله يعرّيك
تحطّمت كل المراكب والآمال
كذبك هلاكك بس صدقك ينجّيك
يوم اعتبرتك بينهم مضرب أمثال
تهت بزمانك يوم تاهت خطاويك
اغتلت حلم سنين وشهور وليال
قبل يشب الحلم شابت قوافيك
محبرتك اللي حبرها في يدك سال
وشلون ترجي من كسرها يواسيك
تلقاه يضحك بك على روس الاطلال
تعوّض الله فيه فيمن يعزّيك
ماباقياً مابيننا موجة ارسال
تذبذبت مع ذوبة الشوق بيديك
دربٍ مشيته في زمانك وتختال
لا قايلٍ ارجع ولاني مخاويك
بس اعتقد به شي واحد ولازال
يجعلني اغفرلك خطاك وبلاويك
والا الحكي ماعاد به شي ينقال
كل الكلام اللي تقوله يعرّيك
محمدبن فرزان
