الجزيرة - الرياض:

يامجاهيم النوايا تحت بيض الثياب

انكشف زيف المشاعر ورفرف بعلمه

ماتحت زيف المشاعرسوى لون الغراب

يجهله من يجهله يفهمه من يفهمه

وكلمة في حق صايب ولا تقصد صواب

تعتبركلمة دهاليز باطل مبهمة

وكل يغني لليلاه يوم الوقت طاب

ياشريم انفخ افبرطمك مافيه شرمة

الاديب يحسب لعثرة لسانه حساب

والبليد يخوض بالهرج لوما يعلمه

يانبيه الفكرلاعشت حال الاكتئاب

اعرف اللي تنتخي به قدم لاتزهمه

وصدرك اليا ضاق باسرار قلبك واستصاب

صدرمن تستودعه سرك اضوق ماكتمه

ولوبكا عصرالهرم مارجع عصرالشباب

اغتنم فرصة شبابك قدم عصر هرمه

وانت ياللي تدّرق من ورى سد الهضاب

لويطول الوقت لازم تطيح من سهمه

ماعن صدوف الليالي صدود ولا حجاب

ما اقبلت فيه الليالي تحيله لعدمه

وان طحنك الوقت مابين ضرس وبين ناب

فدوة اللي مارمى قدر دمه ولحمه

راس قوم يعتزي في عزيزين الجناب

يذهب لضيفانه عيال ذوده وغنمه

واعرف ان العمرلوطال يرجع للتراب

سنة اللي كلناتحت عفوه واكرمه