يا ضي نور الوطن في غالي عيونه

سلطان وسلمان يا أبطاله وحكّامه

الحمد للي جميع الناس يرجونه

حلّ الهناء عقب جدب النفس وعسامه

كل الوطن مثل شخصٍ يخفي شطونه

يومه عليه أطول من الضيق من عامه

نجدٍ وغيره جهات أربع مثل لونه

والله يلوم الذي بفراقكم لامه

ياعزّه ورفعته في شامخ ركونه

يا نسل من وحّده وشرع الله أقامه

ملك عظيمٍ وبالإخلاص يجزونه

من كل جيلٍ شعب ما يخلف ذمامه

وعيال معزي نوادر ما تجي دونه

سلطان وسلمان ضيم العايل سقامه

اسمين في قلب شعبٍ هم يحكمونه

بحروف حب وولاء وبشامخ الهامه

العز ساسه وعنوانه ومضمونه

في حاضر الوقت وجملة ماضي أيامه

عند أبو خالد وأبو فهد ويردونه

روسٍ تبي عز من لا تضمي حيامه

عقب الله العز عز اللي يعزونه

هم تاج رأس القدر والطيب ووسامه

وهم رجال الحكم واللي يديرونه

رفاع الأنفس وروس المجد وكرامه