مسا الأحد صباح الاثنين اشرق قدوم الثنين
على الوطن مدنه وبرانه وبحره وجبله
الانس عنا كان غايب يوم كانوا غايبين
وبقدومهم عاد الفرح للدار وقلوب اهله
حنا لعودتهم يهز قلوبنا شوق وحنين
كما تشوق للحيا جرد الديار الممحله
سلطان ينبوع المكارم والي العهد الأمين
وسلمان حاكم نجد رمز المجد راع الأوله
ومن يوم طايرهم تحرك بالمسير مشرقين
وأهل الوطن بقلوبهم وعيونهم تستقبله
الكل منهم في قلوب الشعب اله حب مكين
وله عندهم قدر رفيع وله وقار ومنزله
المملكة لبست حللها يوم عادوا سالمين
والحمد للي ردهم بالعافية والشكر اله
والله يرد اللي رحل مقفى بعد جو مقبلين
برحلة لاجا يا عساها بالنجاح مكلله
خادم بيوت الله معز الدين سقم المعتدين
اللي رعى مصالح الشعب ورسم مستقبله
ونايف سمو النايب الثاني هو العضد اليمين
اللي لبس من كل مجد افضل شعار واجمله
اللي يبات من أجلنا ساهر وحنا نايمين
وكم احبط أمور تحاك إلنا وعالج مشكله
ملوكنا قادة مسيرتنا هداتٍ مهتدين
فالعالم الهم دور بارز يجهل اللي يجهله
على الشريعة والعلوم الطيبة متكاتفين
بطيب التآخي والوفا منظومة مستكمله
الله يوفقهم لما يرضى على دنيا ودين
راع الوطن ورعيته عناية الله تشمله
