عشق

حلوة عيوبك وأنا عشاق غلطاتك

وعشقت شيبي لانك مظهر شيبي

تبي الصراحة عليك أغار من ذاتك

أغار.. واغتاظ.. هذي هي عذاريبي

***

نحايا

الا ياعذولي كف عذلك بدون احراج

دخيلك ترى بعض العرب ما تحمّلها

انا منتحي والمنتحي صعب ما ينعاج

يدوس المخاطر بالقدم ويتساهلها

***

توجد

وجدي وجود ام الولد زوجة العود

اللي نهار الكون داسوا ولدها

جضت لشوفه بين شاهد ومشهود

وعضت عليه ابهامها من نكدها

***

غيرة

اغار من الكلام اللي ليا قلته يحوش شفاك

واغار من الهدب لاحب خدك يوم تغضي به

واغار من الجديل اللي ليا منّ انطلق غطاك

واحسده واعشقه محتار مدري ويش اسوي به