حبيبي كيف اسولف وانت ياكل الرجا معناي
ليامني بديت السالفه صرت انت تاليها
سواليفي وتفكيري قصيدي ضحكتي وبكاي
تملكت المشاعر كلها وامسيت واليها
حبيبي صدّق انه ما بقى عندي سوى شكواي
من عيون رمت بعيوني سهوم سطت فيها
وتعدتها سهومك واستقرت في صميم اقصاي
وسط هاك الخفوق اللي خفق وارجف يحييها
هلا بهاك السهوم اللي لفتني من شقر سلواي
هلا وكل الهلا يا طعنةٍ مازلت اراجيها
وهلا يا بسمة فيها عزاي وبسمتي وشقاي
ابيع العمر كله لاجلها برخيص واشريها
هلا بالغرة اللي من سناها تنتحر بلواي
وتموت الوجعة اللي من ثمان سنين شاكيها
تحداني زمان وجابك اللي سمع صوت عواي
جلبك الله لروح من بلاويها اتداويها
عشقتك قبل ما شوفك وشفتك وارتشفت دواي
من عيون بها نور ونار كيف اصاليها
وصارت من هاك اللحظه شقاي وغربتي ملفاي
هلي ربعي وناسي عزوتي يوم اعتزي فيها
حبيبي يا بعد عمري القديم وعمري اللي جاي
تمعن في سواليف تقدمها وتنهيها
تعرف انك علومي كلها يا مبتدا معناي
واليا مني بديت السالفه صرت انت تاليها
باشة العنزي
