Thursday  16/12/2010 Issue 13958

الخميس 10 محرم 1432  العدد  13958

ارسل ملاحظاتك حول موقعنا
   
     

الأخيرة

منوعات

دوليات

الرياضية

الأقتصادية

محليات

الأولى

الرئيسية

 
 
 
 

مدارات شعبية

 

ما كنك اللي بعبراتك بكيتيني

 

رجوع

 

ياسبة جروح روحي ليه جيتيني

يوم إن قلبي نساك وعاش بافراحه

توك بعد طابت جروحي ذكرتيني

صحى ضميرك بعد ما غط بإمراحه

ياللي من الضحك والسلوه حرمتيني

يامعيشتني بنار وحزن ونياحه

من علقم الهجر والفرقا سقيتيني

ودموع عيني بعد فرقاك فواحه

وشلون خنتي مواثيقي وخنتيني

وشلون عشتي سنين العمر مرتاحه

نمتي واكلتي وأمنتي مارحمتيني

ماكن لك عاشقٍ غرقان بإجراحه

ياجاهله قيمتي وشلون بعتيني

بارخص ثمن للزمن وأعباه واتراحه

ماكنك اللي بماض الوقت شلتيني

على كفوف الغلا والشوق والراحه

وماكنك اللي عن همومي حضنتيني

حضنك يبدد هموم الوقت واشباحه

وماكنك اللي بمعروفك غمرتيني

ياموقده في ظلام العمر مصباحه

وماكنك اللي عن الدنيا عزلتيني

ماكنت ابي غير شوفك واجني ارباحه

وماكنك اللي بعبراتك بكيتيني

يوم ان حبي سكن بأقصاك وإجتاحه

ياللي عن اكبر طموحاتي ثنيتيني

كنتي رجايه ونور القلب وسلاحه

كنتي وكنتي وكنتي بس عفتيني

بلاسبب ياضياء هالكون وأصباحه

بعد البطا والمفارق ليه جيتيني

كرهت قربك وحبك يطلب الباحه

فيصل بن خلف بن هذال

 

رجوع

حفظ  

 
 
 
للاتصال بنا الأرشيف جوال الجزيرة الإشتراكات الإعلانات مؤسسة الجزيرة