يا خادم البيتين يا عوق الأخصام
شعبك نسى همه وهمك يهمه
الشعب لجلك ساهر الليل ما نام
ويفديك يا مولاي كله بدمه
يحميك ربي يا ذرا كل منظام
يا شايل هموم العرب وسط كمه
يدعي لك الإسلام شعبٍ وحكام
ويدعي لك اللي فاقد أبوه وأمه
لنك زرعت الحب من عبر الأعوام
ولنك حكمت الشعب حكم بذمه
حكم على الدستور دستور الاسلام
ماهوب حكم ضايع دون يمه
من رأس أخو نوره ومن ساس ضرغام
آل السعود مشيدة كل قمه
علمت شعبك كيف يكتب بالأقلام
وزال الجهل واليوم محد يلمه
وبنيت صرح العلم والعلم بك قام
وبنيت فينا همة مستهمه
وبنيت للأيتام دور لليتام
وصار اليتيم أبوه أنته وعمه
وبنيت مستشفى به أقسام وأقسام
وشادوا به العالم ولحد يذمه
حقق نجاحاته وحطم له أرقام
يفصل توائم أمة بعد أمه
ووسعت بيت الله وكسيته أللخام
وحفظت دين الله بعزوم وهمه
واليوم يدعي لك مصلي وصوام
ويدعي لك اللي كل فضلك يعمه
ذبحت داب الحقد دعس بالأقدام
واليوم مات الداب وانساح سمه
جعلك تدوم ودام عزك لنا دام
يا شايل هموم العرب فوق همه
نواف حبلوص بن عميره
