صفة وقت
انا بوقت غشا فيه الحسد والغشوش
الصدق راعيه بار وراعي المكر عاش
هب السعد للهذور وكل عفن نجوش
صارالكديش العلوّة والاصيل الطواش
****
نقض وفتل
العارفة عارفة ينقض على اللي فتل
واللاش ما يعرف المعزا من الضانيه
اياك والخامل اللي ما يعرف المثل
تصير شكوى عليه الحال نقصانيه
****
دوافع دمعة
البارحة يا لطيف الحال هلّن الحبايب
دمع كما وبل هملولٍ تطلّق من سحابه
من ضيم دنيا رقص شيطانها بين القرايب
رفيقك الصاغ مثل الموس عضّه في قضابه
****
مجرد صيت
كم واحد ذكره بالاقطار شايع
لو تطلبه صندوق كبريت ما طاع
ماله يغطي به عيوب فنايع
خالٍ من المعروف للسحت جمّاع
