من دولة الإمارات العربية المتحدة جاء هذا الصوت لشاعرة مميزة (قمرة) ونص فاخر:

أنت طيب والزمن وياك وش سوابي

يا رفيع الصيت واصل الطيب ياراعيه

البخت روّح و طول موعده وابطابي

و انتظرته لين وقف الدم في رجليه

لين صار الحكم في شرع الحياه اغيابي

مايجي فيه الترافع او صفات النيه

أدري ان الله حطه لي قدر فكتابي

ما عن دروبه فرار ولا لذنبه سيه

اه يا قلبي ويالجرح العطيب الغابي

ما أداويك السنين ولا لشمسك فيه

كم حاورك الخيال وبعثرك فترابي

وأنت تنزفني على النبض العروق الحيه

كم يحير الدمع باجفاني وبين أهدابي

ولا يذوب وينهمر إلا على طاريه

الوحيد الي له أشعاري وكل إعجابي

خذ من عيوني لذيذ النوم والحرية

وين ياعمري ويا حضّاري وغيّابي

تحتميك العاطفة وأتخصك الحنيه

لا تخليني وتدري بالفراق إرهابي

ولا تخليني على يدين القلق مرمية

كل ما تنظر عيوني لرفيع النابي

أدري أني له وهو كل انتمائه ليّة