مجازاة

الصاحب الطيب بالاخلاص جازه

واحرص على اللي سمعته ترفع الراس

وان كان تقدر لا طلب منك عازه

عطه الطلب تقدير لا يطوي الياس

***

فوارق

ماكل طيرٍ يعجب اللي صقر به

ولا كل رجالٍ يثمن جوابه

ولا كل من يبني جدار استتر به

ولا كل جارٍ تستريح بجنابه

***

تقدير

من زارني زرته وأقدر جنابه

ولا همني شخصٍ عطاني علابيه

كان اجنبي والا من ادنى القرابه

مااشره عليه ولا يجي لي مشاريه

***

اجواد

راحوا هل الجيرة وحق المجيّر

ابعد علينا من نوال الثريّا

ولا اقول ماباقي للأجواد ديّر

ما أذم عشاق الشرف والحميّا