تعامُل
من لا يعرف الراس ما يعرف الذيل
تعامله طيب يعاملك بطال
كم واحدٍ يلبس ثياب الرجاجيل
وإذا فتشت اقصاه ماهوب رجال
****
أمنية
ألا ياليت صدري مثل وسع البحر ما يحتار
تضيع به الهموم وكل شعبٍ ينحدر سيله
وانا مومن بحكم الله واعرف ان لفلك دوّار
ولا مالله عدلها من هو اللي يعدل الميلة
****
انذار
يا لساني احذر عن فمي لا تعدا
قدام لا اعضك على الضرس والناب
احذر تودي هرجةٍ ما تودا
إذا بدت قالوا لك الناس كذاب
****
يأس
صبرت صبر الجمل معاد أنا صابر ولايوم
الصبر غلّق وميعاد الفرج عند النهاية
أما حياة بجار العز والاموت مرحوم
والناس أحد مات قدامي واحد ميّت ورايه
