ياحي هالصوت الحبيب الشمالي

شايل عناقيد الغلى لاجلي وجاي

من صدّي الكذاب لاصدق وصالي

ومن أولي بالدمع والشوق لاقصاي

من حقّي اليا ساق فيها دلالي

مادمت لي بالخلق ويهمك رضاي

يا فزعتي لا شان حظّي ومالي

ياعزوتي لا ذاب في مري احلاي

يشربني الالهام لـ اعذب زلالي

واصب لك واسقيك من قاف نجواي

واهجّ لك بالحلم لا ضاق بالي

كم نجم اليا تاه قدّاه مسراي

كل الجهات عيونك اللي ظلالي

وين ألتفت أشوفك الجرح ودواي

لين أشملت سابقت معها خيالي

واليا اجنبت بالدرب خانتني اخطاي

يالذّتي بالعمر.. لا.. يا حلالي

شاب الزمن ما شاب في جفني بكاي

- ريمية