يكتبني الشوق واكتب من فريد القصيد

وأهديه متعة لها لمن صفا بالها

من غيره الشعر يفهمها مثل ما تريد

لاعز فهم البشر فيها فهم حالها

نوبٍ يقابل معاندها ويصبح عنيد

لين انها من الزعل تعض في شالها

ونوبٍ يداعب خيال ام القوام الفريد

بأرق ما ينكتب شعرٍ ويهدى لها

يا سيدة قلبي اصغي صوت قلبي يزيد

مع كل لحظة تمر يقول وش حالها

الشوق متعب واحسك من كثيره بعيد

ومثلك يجيب الخفوق ان كان نادى لها

تعالي اسمّعك شيٍ كتبته جديد

يليق في حضوتك عندي ويرقى لها

حرّمت أقول بجنابك بيت شعرٍ زهيد

وأنت القصايد تحلو بك وتحلالها

من نال منك الرضا حظه كريمٍ سعيد

وش عاد من هز عاطفتك وغنى لها

انتي صباحات ديمٍ صادفت يوم عيد

في عين عاشق تحقق له من أوصالها

وانتي تجلي محبٍ هام وقتٍ مديد

في رايعة من روايع خاطرة قالها

من غيرك يشب شعلة في كيان الجليد

ومن غيرك يقلّب العشاق وأحوالها

عبدالرحمن المريبيط