لاصار حظي عنيد وناكبٍ عفشي

محتاج وقفة صديق وفزعة بناخي..

مشكلتي أدري لكن المشكلة وشي؟

إني مسوي قصر من حظي الراخي

يسيل دمعي ولكن يمسحه رمشي

وإن بيّن الدمع قلت اسمح لنا ياخي

يا آخي أجامل وأشيل الهم وأمشّي

والهم بالروح متشدد ومتراخي

تعبت أدوّر على من هزهزت عرشي

وهي بعد رأسها من بعدنا داخي

يا مزنة الصيف بالله عجّلي رشِّي

حلقي نشف وإن صرخت أزعجني صراخي

متغدي الضيق في صدري ومتعشّي

وشامخ وحزني مقلّدني تشمَّاخي

ومشكلتي إني عرفت المشكلة وشِّي

خسرت وقفة صديق وفزعة بناخي

الشاعر/ عبدالله الراشد