الشيب
ليت الخمال الشيب يامبغضينه
نطاح قالات الرجاجيل شايب
ينطح بماله وارتفاعه يمينه
ولابد ماتبنى عليه النصايب
**
فوات
ياما على الجاهل يفوتن الأفوات
وياما على العاقل تصير البلاوي
لا اصار ما تاخذ امورك بحيلات
يصير عقلك والهبال متساوي
**
أحد وأحد
سوالف الدنيا عريضات وطوال
باحدٍ تحط الهود واحدٍ جوايح
واحدٍ تزين له وتعطيه الاقبال
واحدٍ تحط برمش عينه لوايح
**
اجيال
جيل ٍطلع يا ساترن منه ياجرود
سألتني والناس ساس ونحايا
يلقون بك منقود من غير منقود
وتلقى بهم كثر اللغا والزرايا
