كل ما لاح برق يمة القبلة عيون الغرام تخيله
في حراويه نبضات الخفوق تسابق بروقه وهتانه
ليت وسم الغلا وبلة على روض المحاديب يدرج هيله
لين تروي معاليق الخفوق وتثمر وردة الذبلانه
يجذب الشرق غرب الود واحلام الغلا والنهار وليله
والعيون وهدبها والنحر والموت مايشبه الرمانه
والمحبة ثقيلة والدروب طوال والبعد يا ويله
وان بدى ما لقى من يدخله والوقت ما ينعدل ميزانه
وإن شكى ما اشتكى لاقرب ولو قلب في دلاله هيله
يقضب البوح شرهات المقام وناتج الجمر من دخانه
وإن توجد على وسم الغلا ذاق العنا والضنون مهيلة
والغلا النادر المفقود نغماته بوسط الحشا رنانه
وكل حلم محال وحاله حوله ماحدن قد عرف تاويله
غير صوت ندهلي بالوله وانهل من نبرته برهانه
وامتلكني هواه وحسن أدابة وانفرد بالوفا عن جيلة
والله ان الهيام شوي في حبة وفي سيرته والحانه
