ارسل ملاحظاتك حول موقعناSunday 06/01/2013 Issue 14710 14710 الأحد 24 صفر 1434 العدد

الأخيرة

منوعات

دوليات

الرياضية

الأقتصادية

محليات

الأولى

الرئيسية

مدارات شعبية

غلطة صواب

رجوع

علمتني ليلة الحزن ما أفرح بالغياب

لو يغيب اللي بغيته عن عيوني يغيب

يا حبيبي.. ما بعد غربة الحب اغتراب

من غلاك جروح فرقاك.. ما ودي تطيب

تدري أنه ما بقالي بعدك الا العذاب

الأمل من غاب نورك غدا وجهه كئيب

ما حسبت ليوم فرقاك يا عمري حساب

والله إني أحسب الشوق عمره ما يشيب

ما تصورت الحبايب.. يفرقهم عتاب

وما تصور يا حبيبي.. يجي بعدك حبيب

كل غلطة غير غلطة تجافينا.. صواب

وكل بعد غير بعدك عن عيوني.. قريب

يا صدوق الوعد.. صارت مواعيدك سراب

دربنا واحد وفرق خطاوينا النصيب

ما سألتك عن شعورك وأنا أشوف الجواب

عاشقك بعد الجفا.. صار بعيونك غريب

القمر لو غاب.. ما غابت بروق السحاب

وأنت في قلبي وعيني تغيب أو ما تغيب

- سعد آل سعود (منادي)

رجوع

حفظ

للاتصال بناالأرشيفالإشتراكاتالإعلاناتمؤسسة الجزيرة