ارسل ملاحظاتك حول موقعناSunday 06/01/2013 Issue 14710 14710 الأحد 24 صفر 1434 العدد

الأخيرة

منوعات

دوليات

الرياضية

الأقتصادية

محليات

الأولى

الرئيسية

مدارات شعبية

هاجس الشعر

رجوع

لا تلومني يا هاجس الشعر لا عفت

بوح القصيد وعوّد الصمت غالي

الشعر قلّت هيبته لين ما خفت

على الشعور اللي بصدري بقالي

والعمر طالت غربته لين ما شفت

أن الطموح أصعب من اللي مضالي

عدّت ثلاثيني ورى السبع وأشرفت

على الثمان وحالة الضيق حالي

حزين كن بحالتي للزمن ضفت

حزنٍ جديدٍ ما أعرفت الليالي

يا صاحبي يكفي خطا منك لا أخلفت

وعد الهوى وأحرمت شوفك وصالي

يكفيك في قلبي كبرت وتشرفت

ولقيت نفسك شامخٍ في خيالي

ويكفيك بس اللي الحالك تعرفت

على ظروفٍ ما أشغلت عنك بالي

ويكفي على بالي من الوجد لا طفت

سجيت معك وصرت ماني الحالي

ويكفي عطيتك صادق الحب وأسرفت

حتى شعرت أني من الحب خالي

لا شك رغم اللي حصل ما تحسفت

على عطاي وكلمتي راس مالي

غالي ويفداك التعب لو تكلفت

ويفداك دمعٍ حار حيرة سؤالي

لا تلومني يا حادي الشوق لا أنكفت

قلب الجنوبي صار شوقه شمالي

- زعل الرشيدي

رجوع

حفظ

للاتصال بناالأرشيفالإشتراكاتالإعلاناتمؤسسة الجزيرة