آه من قلبي اللي كل ما هب نود

ارتكابي على الضيقة واكلني شمات

طاريٍ له وعود ومرتكبله اصدود

وين ابلقى علاجٍ يلغي الذكريات

والله ان الغلا ماهوب حب العنود

ولا جميل الوصال ولا عذاب الشتات

حاجة فالضمير وحقها فالعضود

كل مرة عليه تلد بالالتفات

لو مااكبح جماحه قيل عني حسود

ولو ابعطيه كيفه قالو مهاترات

ًوالعوارف لهم في مجتمعهم وجود

مثبتٍ فالظروف وواجبٍ فالحياة

الله اللي خلق فينا مخالب فهود

بس ماهو عشان نحارب الكاينات

لو تركنا المبادي والوفا والعهود

آكلات اللحم ما تبقي آكل نبات

- عكاش بن غزاي