بين الفقر والظلم والفوضوية

ضاعت ( حقيقة ) بين زحمة خطابات

والأمر واضح والنوايا رديّة

والحر يفهمها ولو بالإشارات

اغرب من الكذاب كذبة خوية

يفسر المنطق بسرد الحكايات

واجهل من المندوب راعي الوصية

يطلع على كيفه يقدم ملفات

جهل البديهيات (صعبة قوية)

وقفز الحواجز مثل قطع الإشارات

من وصّل (العاطل) على الفيصلية

أوجد بتنظيم القوانين ثغرات

واللي يحبون الخطا والخطيّة

إنجازهم من سابع المستحيلات

واللي يدور من زمانه عطيّة

يوكل القايد لأمن الهمات

ويجيه مردود الخبر في شوية

يقضي له الحاجات ويزيد حاجات

والذات الاكبر بالرقم والهوية

يعمم الاحقاد ويخصص الذات

الكذب والتدليس بالعالمية

له في وجوه الكاذبين إمتدادات

لكنّ مادام العلاقة قوية

نظامنا مرحوم مرحوم قد مات

هذي رياضة ما تسمى حميّة

لا تدرجوها ضمن شغل العصابات

قانونها ماهوب بالعنجهية

قانونها تُرفع له الإعتبارات

واحنا نغنيها سلام وتحية

لرجال الأزرق عاشقين المنصات

أزرق وضوحه مثل شمس الضحية

وله مع الامجاد وسم وعلامات

ما دام بالميدان والنار حية

تزيد ما بين الخيول المسافات

الكاس من سلمان واحلى هديّة

اربع/ وخمس / وبعدها ست مرات

الشاعر / سليمان الشدوي - الرياض