قولوا لعبدالله الربيعة ياطبيب / ويا وزير

..... فصل التوائم عن بعضهم في يدينك ما سهله

إلا (الزعيم الآسيوي ) وتؤامه كأس الأمير

..... احلف يمين أنك ما تقدر يـ..الربيعه تفصله

والتوأمه مع كأس قايدنا / لنادينا تصير

..... مثل الوسام اللي عيون الطامحين تشكـّله

هذا الأمير اللي بوجهه كل طيب وكل خير

..... ولي عهد المملكه /يالله ترفع منزله

وهلالنا / في موعده يأتي كما البدر المنير

..... او هو بدر لكن من (عيون الحسود) نهلله

مجده يسمونه هل اللهجات منقطع النظير

..... ولاله نظير/ولاشبيه / ولا منافس يوصله

مثل الخطر/ في هيبته/ لاقالوا العالم/ خطير!!

..... خطر ولا تقدر (قيود الحاقدين ) تكبّله

ومثل البحر/ في هيئته/ لاقالوا العالم / غزير!!

..... والبحر/ياعمقه / ويا عرضه / وطوله / ماطوله

واللي يمشّي له عن الأزرق خبر عبر الأثير

..... خله / يعـوّد للخبر/ ويحلله / ويخلله

يمكن يشوف ان الخبر/ لا هو صحيح ولا مثير

..... لكن وده من شعاع الشمس/ ينسج مشكله

في داخل الميدان ما فيها غني ولا فقير

..... فيها العزوم الضاربة / عكس اتجاه البوصله

هذا الفضاء قدم (الطيور الشهب) واللي ما يطير

..... يرمي بجنحانه / ويطبع له بيان ويرسله

والأزرق اللي صار لـ(بلاد الذهب) أقدم سفير

..... تمضي / جهوده/ بالنجاح/ وبالفلاح/ مكلـّله

في عهد ابوفيصل / وابو فيصل في الموقف كبير

..... لأنه مع الأزرق جسور/ وكل نقص يكمّله

كفو يا ابو فيصل ولا لك في معانيها خشير

..... رايتك بيضا /يا قوي العزم راس المرجله

بقدومك الاعياد بانت للخلايق من عصير

..... والمرحله في حضرتك أجمل وأرقى مرحله

والموج الأزرق / سيرته تكتب على وجه الحرير

..... وتاريخه / بلون الشموس/ وعلموا اللي يجهله

لكن يا جمهور ودوها وقولوا للوزير

..... كأس الذهب توأم للأزرق ما بتقدر يفصله

الشاعر/ سليمان الشدوي - الرياض