أشعر بْخوف لامن عانق اسمك شفاي

وحاصرتني عيونك تحفر بْجوفي ري

كنّها سلطة استفهام عن محتواي

عن سنابل غلاتك وابتهالات مي

لا تولّع حديثي بالنصيب ومناي

ولا تقطّف شعوري والمقادير غي

اعترافي بحبك ما يغيّر عناي

ما يغيّر نصيبي لو بقى الحب حي

الوصل بيننا مولود ميّت ياجاي

تنبش جْروح عمري تربك بْصدري شي

خذ عيونك وغادر لا تعانق بكاي

واحفظ شْعور قلبي تحْت كتمان طي

وهاك صوتي وغنّه ودّي ابني مداي

في دهاليز بالك لا انطفى بوح ضي

لجل اقول لمواقيت الحزن.. وصدقاي

بي متيم ولي صدره ومفروش في

وجهي فْمحجره مصلوب يثبت هواي

كلّ ما فيه ينضح بي ومازي زي

بس أنا.. فاتني عمري وهذا خطاي

ليت عمري تمهّل ما طواني بدي