في سما الابداع ياطير لك مده تحوم

عبر الشعر الملايم لفكري عبره

لاتقول ان السما مابها غير النجوم

والأراضي غاب عنها المطر ومغبره

الزمن سيفه يزايم قويين العزوم

والمكافح يالله انك عليه تصبره

ياكثر ما قلت بين الموادع والقدوم

والحكيم احسابه يكسره ويجبره

الله انه يقطعك يا الرخامه والرخوم

والله انه يقطع العالم المتكبره

كم واحد يسحب البشت ويشيل الختوم

والنهايه يمتر القاع وإلا يشبره

ما لعب بالقاصر إلا الهذاري والحلوم

في خياله يجمع المال ثم يزبره

والحقيقه وارده لكن اجزم ياجزوم

ان بغيت اتصغر العلم والا كبره

لو تداوم بوزارة دوامك مايدوم

الخبر واصلك واللي مايدري خبره

الوعود وبابها مالنا فيها لزوم

دبرالموضوع والا الرجال ادبره