صديقي ترى حجم الصداقه ماهوب اصغير
ومهر الصداقه فزعتن طول الايامي
وانا مع صديقي ماحصل داخلي تقصير
لو ان الخطا صورته العين قدامي
وانا لازهمني جيت ماردني تبرير
اسوق القدم والراس من طنخته حامي
ادوس المخاطر في لزومه بلا تاخير
واشيل الجسد بالعزم لاتعبت اعظامي
انا طب جرحه لا لحق خاطره تكدير
سوات القراح اللي تروابه الضامي
صداقه هل الطالات ما تقبل التغيير
ولا دارت الأيام ماهيب تنسامي
تمر الليالي ما على جوها تغبير
تحوم الفضا مع حومة الصقر لاحامي
حدود الصداقه واسعه مالها تسوير
ولو تنجرح تبطي وهي جرحها دامي
تثبت قواعدها على صادق التقدير
ويزداد رابطها على مر الأعوامي
