ليش الوفاء ذنب القلوب الوفيه
في شرع ناس للمشاعر يبيعون
وليش المواجع بالمعاني قويه
يبقى صداها بين قال ويقولون
وليش الجفاء بالحب اغلا هديه
وجرح الوفاء عنوان ناسٍ يعانون
والحل ضاع الحل وسط القضيه
دام الوفاء في هالزمن غير مظمون
ياعزوتي وين الليالي الهنيه
ضاع الفرح مابين كان ويكونون
نكتم نداري والمواجع نديه
يمكن مع الايام لحظه يحسون
يمكن وراح العمر يكتب وصيه
هذا الغلا ماعادل له قلب وعيون
مافيه الا هالقلوب الشقيه
اللي صدى شكواه لوعات وطعون
واسم الشقاء بين الخوي وخويه
وش ذنب قلب للعناء صار مفتون
وارجع وانادي يالقلوب الوفيه
وش ذنبكم والناس فيكم يبعون
