يا أول محطات العمر، منك بداية رحلتي
فيك التقى صدقي وزيفي، والمحبة والخصام
رحله طويله والقدر خلاك اول فرحتي
انت المواني والسفر انت السهر انت المنام
فيك اسولف وابتسم وفيك اداري عبرتي
ابعد خيالك وارتجيه، ازعل واعيشك في هيام
***
يا منفى احساس الغرام لاصار قربك وحدتي
وشلون أعيشك ارضٍ. وحلمي يلامس بالغمام
يكفيك مني هالعنا، ويكفيني منك عزتي
أبجمع اشلاء العشق واشق دربي بالحطام
ودي اواصل بالمسير، الخافي يدفع خطوتي
تعبت لحظاتك وطن، مليت من طول المقام
مانت بنهاية رحلتي.. كنت البدايه بقصتي
وهذي نهاية صفحتك.. يا رحلة التايه سلام
- عبد المحسن الخالدي
