يا صاحبي لا صرت ناوي عَالعلوم الرائده

اتبع قصيدٍ ما نظمته في سبيل المهزله

المرجله والدين وجهينن لعمله واحده

إذا استقام الدين تعلو المنزلة والمرجله

والفرق شاسع بين لحيه ديّنه مع فاسده

والدين يرفع روسنا صوب المراجل منزله

تكرم وجيهٍ عزها بيّن ولو هي ساجده

ما تنحني إلا للذي عطفه ولطفه تسأله

تلقى الوفا تلقى العطا وتلقى الوجيه الصامده

اللي على صكّات بقعا دايما مستحمله

دايم على الشده تشوف يدينهم متساعده

ما يخذلون أصحابهم لا مر فيهم معضلة

الدين هو ساس المراجل والعلوم الرائده

واللي مع الله ما يذوق في حياته بهذله

يا صاحبي والمرجله جدّا تراها كائده

حتى الردي ولد الكفو ما تنفعه طيبة هله