Al-jazirah daily newspaper

ارسل ملاحظاتك حول موقعناFriday 05/07/2013 Issue 14890 14890 الجمعة 26 شعبان 1434 العدد

الأخيرة

متابعة

دوليات

الرياضية

الأقتصادية

محليات

الأولى

الرئيسية

مدارات شعبية

(وش طاري الذكرى)

رجوع

وش طاري الذكرى.. أنا خلت ناسيه

...... وإلا ليالي البرد.. تشبه حضوره!

في رجفة ضلوع الأماني مواريه

........ وفي غيبة القمرا.. تعالي غروره

... ان قلت ابسلى.. جمّعتني طواريه

........ واليا اجتمع فيني.. تبعثر شعوره

ياليل قلّي.. آخرك وين تاليه!

.......... خوفي آحن.. وتالي اشتاق ازوره

ماهو عشاني.. لجل اضمه وادفيه

.......... والا ان بغيت اشتاق.. يمي عطوره

اول ينادي.. وابتسم له والبيه

........ واليوم حال الوصل.. يندب جسوره

كسرت مجداف اللقا عن موانيه

......... واخذت قبل البُعد.. برواز صوره

يشفع لـ باكر حاضره قبل ماضيه

......... ان طاح من عالي، تلقفه سوره

اللي اعرفه اجهله قبل ما ابديه

.......... تبكيني الاطلال.. واشتاق دوره!

هذا انا، والليل، وبارق تواليه

.......... وهذاك وجه الصبح، ما شع نوره

وش طاري الذكرى.. انا قلت ناسيه

........... وإلا ليالي البرد.. تشبه حضوره!


- عبدالمحسن الخالدي

رجوع

حفظ

للاتصال بناالأرشيفجوال الجزيرةالإشتراكاتالإعلاناتمؤسسة الجزيرة