أناديلك ويبقى للحكي في داخلي ميعاد

ولا أدري ليه لاضقت بزماني قمت أناديلك

عتقك الغيم وامطرك السحاب وجيت لك منقاد

ألوّح بالضما وامسح دموعي في مناديلك

أنا محتاج لك قبل الحياة وفرحة الميلاد

أنا أول من نقش قلبه على التاريخ بازميلك

أنا اللي قد وصلك بلاد وامسابك بدون بلاد

أنا اللي لا تمللك المكان انهض وأغنيلك

حبيبي والمكان اللي جمعنا والقلوب بعاد

الا ياويل قلبي لو تركتك وانت يا ويلك

حرام أحلامنا تصحى على هم وجروح جداد

حرام تصد عن عيني وأنا عيني تراعيلك

أحبك ليه أكررها وليه بداخلي تنعاد

لو أصرخ في هواك 2000 أحبك ما توفيلك

لأنك من رحلت أصلاً سكوتي والحكي ما فاد

تفز طيور من قلبي لشباكك وتهديلك

سلام شوق وان كان لغرامك والحكي ميعاد

بضمّه وان بقا فيني حياة ارجع وأناديلك